ခဲဝါ နန့် ခရုစုတ်ငှက်

တခါက ခဲဝါတကောင်ရေ ခရုစုတ်ငှက်တကောင်ကို သူ့အိမ်မှာ ညစာစားဖို့ ဖိတ်ပါရေလှတ်။ ခဲဝါရေ ခရုစုတ်ငှက်ကို ညစာစား ဖိတ်ပင် ဖိတ်ကေလည်း သူ့မှာ မရိုးသားရေ အကြံအစည်တခုဟိပါရေလှတ်။ ခဲဝါရေ စွတ်ပြုတ်ရည်ကို ကကောင်းရှည်ပြီးကေ ကျဉ်းလွန်းရေ လောင်းချေထဲမှာ ထည့်ပနာ ခရုစုတ်ငှက်ကို ကျွေးပါရေလှတ်။ ခဲဝါကတော့ကေ ယင်းလောင်းချေထဲကို လျှာထိုးလို့ ဝင်ရေခါ စွတ်ပြုတ်ရည်ကို ကကောင်းသောက်လို့ ရပါရေလှတ်။ ခရုစုတ်ငှက်မှာတော့ကေ စွတ်ပြုတ်ရည်ကို သူ့ နသွီး အဖျားချေမှာ ရာ မွီပြီးကေ သောက်လို့လည်းမရ၊ ဝမ်းက ဆာဆာနန့် တခုလည်းမစားရ၊ မသောက်ရပဲ အိမ်ပြန်ဖို့ ကျပါရေလှတ်။
ယေခါ ခဲဝါက ကလိမ်ကကျစ်အပြုံးချေနန့် ကကောင်းအားနာလားဟန်ကို လုပ်ဗျာယ် “အိုး အကို ငှက်ကြီး၊ ကျွန်တော် ကကောင်းအားနာလားခပါယာထော၊ ကျွန်တော့်စွတ်ပြုတ်ရည်ရေ အကို့အကြိုက်နန့် တတည့်မကျ ထင်ရေ၊ ကျွန်တော်ချက်စွာပြုတ်စွာ ညံ့လို့ထင်ပါယင့်” ဆို ဆို ပနာပြောပါရေလှတ်။ ခရုစုတ်ငှက်ကလည်း “အိုး၊ ကျွန်တော့်ကို ညစာစားဖိတ်စွာကိုပင် ကကောင်း ကျေးဇူးတင်ပါယင့်၊ ကျွန်တော့်ကို တောင်းပန်ဖို့မလိုပါ၊ အကိုခဲဝါအချိန်ပီးနိုင်ဖို့ဆိုကေ လာဖို့အပါတ်ထဲမှာ ကျွန်တော့်အိမ်မှာ ညစာ လာစားဖို့ အကိုခဲဝါကို ပြန်လို့ ဖိတ်ပါရစီ” ဆို ဆိုပနာ ပြောပါရေလှတ်။ ခဲဝါလည်း ခရုစုတ်ငှက်၏ ဖိတ်ခေါ်မှုကို ဝမ်းပမ်းတသာပင် လက်ခံလိုက်ပါရေလှတ်။
နောက်တပါတ်ကြာရေခါ ခဲဝါရေ ခရုစုတ်ငှက်အိမ်သို့ ညစာစားဖို့ ရောက်လားပါရေလှတ်။ ခရုစုတ်ငှက်မှာ လည်း ခဲဝါထက်မညံ့ရေ စွတ်ပြုတ်ရည်အကောင်းစားကို ချက်ပြုတ်ပျင်ဆင်ထားပါရေလှတ်။ ခဲဝါလည်း စွတ်ပြုတ်ရည် ကို အားရပါးရ သောက်ဖို့ပျင်ရေခါ ခရုစုတ်ငှက်ရေ သူ့စွတ်ပြုတ်ရည်ကို အဝကျဉ်းပြီးကေ လိုင်ဖင်းရှည်ရေ ကတောင်းထဲမှာ ထည့် ထည့် ပနာ ထားပါရေလှတ်။ ယေခါ ခဲဝါရေ ကတောင်းအဝကို သူ့ နသွီးသွင်းဖို့ ကြိုးစားလိုက်၊ အဝမှာ ဆို့နိန်လိုက် ဖြစ် ဖြစ် ပနာ အနံ့ကို ရာ ရ ရ ပနာ တခုလည်းမစားရပဲနန့် အိမ်ပြန်ဖို့ ကျပါရေလှတ်။ ခဲဝါရေ ခရုစုတ်ငှက် ကလိမ်ကကျစ်နန့် တသိတမါန်ပျင်စွာကို သိကေလည်း တခုလည်းမပြောနိုင်ပါလှတ်။ ဇာဖြစ်လို့လည်းဆိုကေ သူက အယင် ခရုစုတ်ငှက်ကို ကလိမ်ကျထားစွာပါကို။
သူများကို လိမ်တတ်၊ ဝါတတ်၊ ကလိမ်ကကျစ် ကျတတ်တေလူတိရေ သူရို့ကိုယ်တိုင် အလိမ်ခံရဖို့၊ အဝါခံရဖို့၊ ကလိမ်ကကျစ် အကျခံရဖို့စွာလည်း ဓမ္မတာသဖေါတရားတရပ် လို့ ဒေပုံပြင်ချေက ဆိုပါရေ။ သက်ရောက်မှု အားလုံးမှာ ယင်းနန့်ညီမျှရေ တန်ပြန်သက်ရောက်မှုတိ အမြဲတမ်းဟိနိန်ကတ်စွာရာမဟုတ်ပါလား။
Picture: http://farm4.static.flickr.com/3448/3383333447_c1d2861ed0.jpg?v=1238003934

Special Link: Salute to 70th Anniversary of the Founding of The People's Republic of China!

ကျီးကန်းနန့် ရီကတောင်း

တခါက ကကောင်းရီသောက်ငတ်နိန်ရေ ကျီးကန်းတကောင်ရေ ရီကတောင်းတခုကို တွိပါရေလှတ်။ ရီကတောင်းထဲမှာ ရီ အလတ်လောက်လာဟိပြီးကေ ကျီးကန်းရေ ရီကို လှမ်းမမှီနိုင်ဖြစ်နိန်ပါရေလှတ်။ ကတောင်းကို မော့သောက်ဖို့ကြိုးစားရေခါလည်း ကတောင်းက သူ့ထက်ကြီးနိန်ရေခါ မြှင့်လို့တောင်မမြင့်ဖြစ်နိန်ပါရေလှတ်။
ကျီးကန်းလည်း ဇာလုပ်လို့ဇာကိုင်ရမေမှန်းမသိပဲဖြစ်နိန်တုန်းမှာ သူ့ရှိနားက ကျောက်စရစ်ခဲချေတိကို လားလို့ မြင်ပါရေလှတ်။ ကျီးကန်းလည်း အကြံရစွာနန့် ကျောက်စရစ်ခဲချေတခဲကို ကတောင်းထဲသို့ ထည့်လိုက် ပါရေလှတ်။ ယေခါ ကတောင်းထဲက ရီလည်း တဖဲ့ချေ မြင့်တက်ပါလတ်ပါရေလှတ်။ ကျီးကန်းလည်း ကျောက်ခဲ နောက်တခဲ ထည့်လိုက်ပါရေလှတ်။ ကတောင်းထဲက ရီလည်း နောက်ထပ်တဖဲ့ချေမြင့်တက်ပါလတ်ပါရေ လှတ်။ ယင်းပိုင်နန့်ပင် ယင်းအနားမှာဟိရေ ကျောက်စရစ်ခဲတိကို ရာ နန့်ချီပနာ ကတောင်းထဲသို့ထည့်ပလိုက်ပြီးရေ အချိန်မှာ ကတောင်းထဲကရီစွာလည်း ကတောင်းဝ သို့ ရောက်အောင်မြင့်တက်ပါလတ်ပါရေလှတ်။ ကျီးကန်းလည်း ယေခါမှရာ အရသာဟိရေ ရီအီးအီးကို အားရဗရ တဝကြီး သောက်ချ ပလိုက်ပါရေလှတ်။
‘ကိုယ့်ဖက်က အင်အားချိနဲ့ရေအခြေအနေတရပ်ထဲမှာ စိတ်ရှည်သီးခံမှု၊ ရည်မှန်းချက်ကို အပျောက်မခံပဲ ဇွဲ နပဲ သန်သန် တတိတိကြိုးစားမှု နန့် ဉာဏ်ရည်လွှာသုံးတတ်မှုတိက အောင်ပွဲကို ရရှိစီကြောင်း’ ဒေကျီးကန်းချေက သင်ခန်းစာ ပီးနိန်ပါယင့်။

Picture: http://www.bewicksociety.org/galleries/publications/aesop/crowandpitcher800.jpg

Meanings of the Given Names (T)

Theodoric: (Germanic) People, rule

People often ask me about - what does my name mean. Sometimes, I also ask other peoples if his or her name means something. These are not important but it is good to know about each other in our cultures of mankind. For my friends who want to know, the meanings of (Western) given names:

Men’s Names (T)Terrence: (Latin) Soft or tender
Theodore: (Greek) Gift of God
Theodoric: (Germanic) People, rule
Thomas: (Aramaic) A twin
Timothy: (Greek) Honoring God
Titus: (Latin) Safe

Women’s Names (T)Teresa, Theresa: (Greek) The harvester
Thelma: (Greek) Nursing

Source: Smith, Elsdon C. “Vocabulary of Given Names.” The World Book Dictionary. 1968.
Picture: http://images.meredith.com/ab/images/2006/08/ss_nursing_mom_diamonds.jpg